Chet tillar

Kafedra mudiri:

Sharipova Aziza Abdumanapovna

Qabul vaqti: Seshanba – Juma ( 12:00 – 14:00)

Telefon: (0 371) 238-64-67

E-mail: sharipova@tuit.uz

 Chet tillar kafedrasi 1955-yilda tashkil etilgan. Kafedrada ingliz, nemis, fransuz va rus tillari o‘qitilgan. 1980-yil kafedra tarkibidan rus tili kafedrasi ajralib chiqib, Chet tillar kafedrasi alohida faoliyat yuritib kelmoqda. Kafedrada ingliz, nemis va fransuz tillari o‘qitilib kelinmoqda. Dastlab kafedra mudiri O.E.Kostromina 1980 -1991 yillarda, 1991-1997 yillarda dotsent Y.A.Inagamova,  1999–2013 yillarda katta o‘qituvchi G.N. Suleymanova, 2013-yil  20-fevraldan 2018-yil 9-yanvargacha katta o‘qituvchi V.X. Gaziyeva faoliyat yuritgan. 2018-yil 11-yanvardan fil.f.d.(PhD), dotsent A.A.Sharipova kafedra mudiri lavozimida ishlab kelmoqda. Kafedrada bakalavr ta’lim yo‘nalishining barcha yo‘nalishlarida (kunduzgi va sirtqi) ingliz, nemis, fransuz tillarida amaliy mashg‘ulotlar olib borilmoqda. Kafedrada 33 ta xodim faoliyat yuritadi: 1 ta kafedra mudiri, 7 ta dotsent,  10 ta katta o‘qituvchi, 16 ta assistent. 2000-2001 o‘quv yili davomida Texas universitetidan professor-o‘qituvchilar  guruhi kelib, kafedra o‘qituvchilari bilan tajriba almashganlar. Shu bilan birga institutimizda amaliyot daslarini o‘tashgan. Kafedra o‘qitish usulini ishlab chiqish, faol o‘qitish uslublarini tatbiq etish mavzusida ilmiy izlanishlar olib bormoqda va shuningdek kafedra a’zolari xalqaro, respublika va universitetda o‘tkaziladigan ilmiy-amaliy konferensiyalarda o‘z maqola va tezislari bilan qatnashib kelmoqda. 2006-yili G.S.Sobirova Malayziya texnika universitetida tashkil etilgan "Multimedia in English Teaching”  dasturida tahsil oldi va malaka oshirdi. Shuningdek, G.N.Suleymanova iste’dod jamg‘armasining sovrindori va MARA texnologiyalar universitetida yangi pedtexnologiyalar dasturi bo‘yicha malaka oshirib keldi. Shu bilan birga 2006-yil oktyabr oyida O‘zbekiston va Germaniya va Axborot texnologiyalarining kasbiy ta’lim sohasini takomillashtirishdagi roli loyihasida maslahatchi o‘qituvchi bo‘lib qatnashdi.

   1991-yildan buyon 100 dan ortiq o‘quv va o‘quv-uslubiy qo‘llanmalar chop etildi va ulardan 5 tasi muvofiqlashtirish kengashi guvohnomasiga ega.

   Har yili 3 bosqichda tashkil topgan “O‘zbekiston intelektual avlodi “ nomli ilmiy-amaliy konferensiya va “Chet tilini o‘rganish uchun yaratilgan ilova va ishlanmalar tanlovi” o‘tkaziladi va bunda TATU va uning filiallaridan yuzlab talabalar ishtirok etadilar. Konferensiyaning asosiy maqsadi Toshkent axborot texnologiyalari universiteti va uning filiallari talabalari orasidan o‘z mutaxassisliklari bo‘yicha olgan bilimlarini nazariy va amaliy tomonlarini namoyon qilgan va o‘z fikrlarini ingliz tilida ravon bayon eta olgan iqtidorli, qobiliyatli va iste’dodlilarini aniqlash, ulardagi ijobiy qobiliyatlarini ro‘yobga chiqishiga ko‘maklashish va qo‘llab quvvatlash bo‘lgan.

 Chet tillar kafedrasi katta o‘qituvchisi Nargiza Sharofutdinovna Nasirova talabalari bilan har yili Fransiyaning O‘zbekiston elchixonasi madaniy hamkorlik tomonidan tashkil etilgan Frankofoniya tanlovida qatnashib, sovrinli o‘rinlarni qo‘lga kiritib kelmoqda. Til va ta’lim attashesi V.Villyom TATU rahbaryatiga, Chet tillar kafedrasi katta o‘qituvchisi  N.SH.Nosirovaga talabalarning qatnashuvi uchun o‘z minnaddorchiligini bildirdi. 

   “Eng yaxshi ingliz tili o‘qituvchisi” respublika tanlovida kafedramiz katta o‘qituvchilari Zohidova Go‘zal Elbekovna (2014),  Ibragimova Nayira Anvarovna (2016) qatnashib, tanlov g‘olibi bo‘ldi va Ibragimova Nayira Anvarovna 2016-yilning avgust oyida Buyuk Britaniyaga 2 haftalik o‘quv kursiga borishga muyassar bo‘ldi. 2017-yil Sharipova Aziza Abdumanapovna ”Eng yaxshi pedagog” Respublika tanlovida g‘olib bo‘ldi. Kafedra o‘qituvchilaridan 15 nafari mustaqil tadqiqotchi sifatida izlanish olib bormoqdalar.

2021-yil 9-10 mart kunlari AKT sohasida iqtisodiyot va manegment fakulteti Chet tillar kafedrasi tomonidan “Xorijiy tillarni o‘qitishda multimedia texnologiyalarining o‘rni” mavzusidagi Respublika ilmiy-amaliy anjumani o‘tkazildi. Ushbu ilmiy-amaliy anjumanda: Xorijiy tillarni o‘qitishda multimedia texnologiyalarini joriy etish holati va istiqbollari; Bugungi kunda o‘quv jarayonini tashkil etish sifatini oshirishda multimedia texnologiyalarining ahamiyati; Nofilologik ta’lim yo‘nalishi talabalarining madaniyatlararo muloqot kompetensiyalarini shakllantirishda zamonaviy yondashuvlar; Imkoniyati cheklangan talabalarda xorijiy til ko‘nikmalarini shakllantirishning usul va vositalari kabi dolzarb masalalar muhokama qilindi.

   Kafedrada iqtidorli talabalar bilan ishlash yo‘lga qo‘yilgan. Iqtidorli talabalar bilan ishlash jarayonida guruh rahbarlari seminarlar, bahs-munozaralar o‘tkazildi. Shuningdek, fakultetlararo bahs-munozara o‘tkazildi va g‘oliblar mukofotlandi.

 Kafedra o‘qituvchilari  o‘z malakalarini oshirish borasida muntazam ish olib boradilar. Joriy o‘quv yilining birinchi yarmida 23 nafar kafedra professor-o‘qituvchilari  ingliz tilini bilish darajasi C1 sertifikatlarini qo‘lga kiritdilar.

• Ingliz tili
• Fransuz tili
• Nemis tili