Axborot xavfsizligi

Toshkent axborot texnologilari universitetida “Axborot xavfsizligi” kafedrasi t.f.d., professor M.M.Karimov rahbarligida 2006 yil sentyabr oyida "Axborot xavfsizligi” ta’lim yo‘nalishi va magistratura mutaxassisliklari bo‘yicha yuqori malakali kadrlar tayyorlash maqsadida tashkil etildi.

Kafedrada o‘quv-uslubiy va ilmiy-tadqiqot ishlarining shakllanishi va rivojlanishida prof. S.K.G‘aniyev, prof. M.M.Karimov, t.f.n., dotsent A.A.G‘aniyev, t.f.n., dotsent S.Yu.Yusupov, t.f.n., dotsent K.A.Tashev, D.S., professor
D.Ya. Irgasheva, katta o‘qituvchi D.G.Abdullayevlar salmoqli hissa qo‘shdilar.

Kafedrani 2010 yilgacha t.f.d., professor M.M.Karimov, 2010-2013 yillar t.f.n., dosent S.Yu.Yusupov, 2013-2016 yillar D.S., professor D.Ya. Irgasheva, 2016-2021 yillar t.f.n., dotsent A.A.G‘aniyev, 2021-2022 yillar Sh.R. G‘ulomovlar mudirlik qilib keldilar.  

2022 yil 16 dekabrdan t.f.n., dotsent G‘aniyev Abduxalil Abdujalilovich kafedra mudiri etib tayinlandi.

Qator yillar davomida kafedra professor-o‘qituvchilari tomonidan magistratura talabalariga "Axborot nazariyasi va kodlash”,  "Biznesni uzluksizligi va avariyaviy tiklash”, "Ilmiy tadqiqot metodologiyasi”, “Axborot intellektual himoyalash tizimlari” "Kompyuter kriminalistikasi”, bakalavriatura talabalariga "Axborot xavfsizligi”, “Kiberxavfsizlik asoslari”, “Kiber-huquq va kiber-etika”, “Axborot xavfsizligi xavflarini boshqarishga kirish”, “Kiberxavfsizlik siyosati”, “Axborotni himoyalashning tashkiliy va texnik usullari”, “Axborot nazariyasi va kodlash”, “Cloud Computing xavfsizligi”, “Axborotni himoyalashning apparat va dasturiy vositalari”, “Zararli dasturlar”, “Cyber Security injiniringi”, “Tarmoq xavfsizligi”, Axborot tizimlarini auditlash”, “Hujum intsidientlari va unga reaktsiya”, “Web-ilovalar xavfsizligi”, "Kompyuter tizimlari va tarmoqlarida axborot xavfsizligi”, "Kriptografiya usullari”, "Simsiz tarmoqlarda axborot xavfsizligi”, "Kriptografik protokollar”, “Threat intelligence” texnologiyalari”, “Ochiq kodli operatsion tizimlar xavfsizligi” kabi fanlardan mashg‘ulotlar olib borildi va olib borilmoqda.

Kafedrada mashg‘ulotlar o‘tkaziladigan fanlar bo‘yicha professor-o‘qituvchilari tomonidan bir qator ma’ruza matnlari, o‘quv-uslubiy ko‘rsatmalar jumladan, 2021-yilda SH.R.G‘ulomov, Nasrullayev N.B., L.Shirinov, Sh.B.Sayfullevlar tomonidan lotin alifbosida "Axborot tizimlarini auditlash” nomli o‘quv qo‘llanma, A.A.Ganiyev, Z.I.Azizovalar tomonidan tomonidan “Axborot tizimlarini auditi” nomli uslubiy ko‘rsatmalar chop etildi.

Bundan tashqari Ganiyev S.K., Karimov M.M., Tashev K.A. “Axborot xavfsizligi” Oliy o‘quv yurti talabalari uchun darslik,  Ganiyev S.K., G‘ulomov Sh.R. Axborot nazariyasi va kodlash Oliy o‘quv yurti talabalari uchun o‘quv qo‘llanma,  Kuchkarov T.A. va Shamshiyeva B.M. “Kompyuter tizimlari va tarmoqlarida axborot xavfsizligi” fanidan laboratoriya ishlarini bajarishga uslubiy ko‘rsatma, Tashev K.A., Irgasheva D.Ya. va Nasrullayev N.B. “Kriptografik protokollar” fanidan amaliy mashg‘ulotlarni o‘tkazishga uslubiy ko‘rsatmalar chop etilgan.

Kafedrada xalqaro tashkilotlar tomonidan moliyalanadigan amaliy va fundamental loyihalar jumladan 2020 yildan 100 mln. so‘mlik BVF4-023 “Taqsimlangan axborot-kommunikatsiya tizimlarida insidentlar va kiberxujumlarga qarshi xarakatlarni boshqarish muammolarini tadqiq etish” fundamental loyiha olib borilgan. Kafedraning bir guruh katta ilmiy xodim-izlanuvchilari va mustaqil tadqiqotchilari ushbu ilmiy-tadqiqot ishlari bilan uzviy bog‘langan mavzularda (Ph.D.) doktorlik dissertasiyalarini tayyorlamoqdalar.  

Hozirgi kunda kafedraning professor-o‘qituvchilaridan prof. Ganiyev S.K., dotsentlar: Kuchkarov T.A., Ganiyev A.A, Samarov X.K., katta о’qituvchilar: Xolimtayeva I., Fayziyeva D.S., Bekmirzayev O.N., assistentlar: Xaydarov E.D., Shirinov B.B., Shukurov O.P., o‘qituvchi stajyor: Axmedova N.K., doktorantlar: Abdullayev D.G., Shirinov L.T., Usmanbayev D.Sh., Sayfullayev Sh.B., Azizova Z.I. faoliyat va tadqiqot ishlarini olib bormoqdalar.

BAKALAVRIAT

5330300-Axborot xavfsizligi yo‘nalishi (sohalar bo‘yicha)

60610300- Axborot xavfsizligi yo‘nalishi (sohalar bo‘yicha)

MAGISTRATURA 

70610302 – Axborot xavfsizligi mutaxassisligi   

KAFEDRADA O‘QITILADIGAN FANLAR:

Bakalavriat:

• kiberxavfsizlik asoslari;
• axborot xavfsizligi xavflarini boshqarishga kirish;
• tarmoq xavfsizligi;
• “threat intelligence” texnologiyalari;
• ochiq kodli operatsion tizimlar xavfsizligi;

Magistratura:

• kompyuter kriminalistikasi;
• biznesni uzluksizligi va avariyaviy tiklash;
• axborotlarni himoyalashda intellektual vositalarni qo‘llash;
• kiberxavfsizlikda mashinali o‘qitish;
• axborot nazariyasi va kodlash;
• ilmiy tadqiqot metodologiyasi;